Barne- og ungdomssamling, 06.-07.november 2021

Barne- og ungdomssamling ved Folkemusikksenteret i Buskerud, på Prestfoss i Sigdal!

Kva: eit kjempebra kurs for born og ungdom for folkemusikk, song, dans og leik!

Dato: Laurdag og sundag 06.-07. november, 2021

Aldersgrense: 7 år og oppover. Ein treng ingen forkunnskaper. 

Kurstilbod: hardingfele, vanleg fele, seljefløyte, munnharpe, torader, sjøfløyte, kveding, dans, nysirkus

Pris: Kurs, mat og overnatting får ein til berre 600 kr! 

Borna kan gjerne gå på kurs i noko som dei aldri har prøvd. Det er også mye fritid med leik og aktiviteter.

I tillegg kan borna ta seg ein tur i svømmehallen! 

NB: Kursstøtte for medlemmer i Ål spel- og dansarlag!

​Viss barnet er medlem i Ål spel- og dansarlag, kan ein søkje stønad på opptil 1000 kr per år for å gå på kurs. 

Barnemedlemskap i Ål spel- og dansarlag inkluderer også medlemskap i Buskerud Folkemusikklag, og FolkOrg. Det koster kun 175 kr per år. 

Skriv ein helt enkel søknad på stønad til kurset til leiaren Rebecca Lofft på aal.spelogdans@gmail.com. Stønad til kurset vert betalt etter at kurset er gjennomført. 

Skriv ein mail til same e-posten om du ynskjer å melde inn fleire born, og ta med fødselsdato til borna. 

Om du vil køyre i lag med fleire frå Hallingdal, sei frå til meg, så kan eg organisere samkøyring.

Lenke til påmelding her​

Påmeldingsfrist er 01.11. 

Du finner meir informasjon på Facebook sida til Buskerud Folkemusikklag, og til Ål spel- og dansarlag.

Ta evt. kontakt med Rebecca Lofft eller Åshild Wetterhus om du har spørsmål. 

Dansekvelder på Torpo

Dansekvelder på Torpo annankvar tysdag kl.19-21

04.juni, 18. juni

To dansekvelder gjenstår før sommarferien, og Landskappleiken! 

Det er alltid levande musikk av lokale spelemenn, både springar og gammaldans. 

Kakepause er ca. kl.20 og det er alltid kaffe med noko gødt å bite i. 
Alt er heilt gratis og alle nivå er velkomne! 
Kom med eller utan nokon å danse med, men ta gjerne med dansesko. 

Tre koselige kvelder
Det har alt vore gjennomført tre dansekveldar med ca. 20, 21, og 23 dansarar per kveld! 
Ca. 50 ulike dansarar har vore innom Hugnadheim på dansekveldane! 

Dette gikk over all forventning, og viser at mange er interessert i å begynne å danse. 
Det er så triveleg å ha så mange som kjem, både røynde dansarar og ferske som lærar trinn frå dei meir erfarne. 

Fyrste kvelden, 23.april, var det Hilde Kirkebøen på hardingfele. 07.mai var det Sjur Borge på torader. 21. mai var det Rebecca Lofft på hardingfele og Ulf Arne Johannessen på torader. 

Kurs haust 2019Til hausten vert det satt opp dansekurs i både springar og gammaldans. 
Følg Ål spel- og dansarlag på Facebook og denne bloggen for å halde deg oppdatert. 

Resultater Buskerudkappleiken 2019

Buskerudkappleiken 2019 

Sjå https://resultat.folkorg.no/ for resultater for: 

• Dans hardingfele klasse ABC
• Durspel junior/senior
• Eldre folkemusikkinstrument junior/senior
• Lagdans junior/senior
• Lagspel med komp senior
• Lagspel utan komp senior
• Vokal klasse B

Her står klassene som ikkje er publisert på FolkOrg tevlingssystemet. 
Resultat om hallingdanstevlinga vert publisert måndag 27.05.2019 i eiget skriv.

Hardingfele klasse A / Fanitulltevlinga 
På grunn av finalespel ifht Fanitulltevlinga vart det ikkje gjeve endeleg poengsum til dei topp tre.

1. Jan Beitohaugen Granli 1.plass Fanitulltevlinga
2. Per Anders Buen Garnås 2.plass Fanitulltevlinga
3. Alexander Røynstrand, 3.plass Fanitulltevlinga
4. Ottar Kaasa 90 poeng
5. Øyvind Brabandt 88 poeng
6. Sivert Holmen 87 poeng
7. Lars Ingar Meyer Fjeld 86 poeng
8. Kjellbjørn Karsrud 85 poeng
9. Lars Erik Øygarden 84 poeng
10. Helga Myhr 82 poeng
11. Herbjørn Liahagen 81 poeng

Hardingfele klasse B
1. Åsmund Fauske Jøtun 84 poeng Gol spel- og dansarlag
2. Mattias Thedens 74 poeng FolkOrg
3. Eivind Tanke Larsen Knutsen 74 poeng
4. Jegeir Trøym 74 poeng
5. Svein Laingen Kjerland 71 poeng
6. Birgit Haukås 70 poeng Tinn spelemannslag
7. Even Ellegaard Westeng 68 poeng Gransherad spel- og dansarlag
8. Eilif Groven Myhren 54 poeng Hallinglaget i Oslo

Eldre folkemusikkinstrument senior
1. Hege Weseth 76 poeng Numedal spel- og dansarlag
2. Vitaly Obukhov 70 poeng (ikkje medlem i FolkOrg)

Eldre folkemusikkinstrument junior
1. Ånund Meberg Myhren 73 poeng Bulder og Brak

Open klasse
1. Hallingdal Juniorspelemannslag -  med Cecilie Skrindo, Olav Andreas Stræte Lie, Johanne Lilleslett og Johanne Løkensgard Mjøs (poengsum skrivast inn her når den vert kjent)

Fele 
Fele var ikkje ein klasse under Buskerudkappleiken 2019. 
Desse var urangerte deltakarar i Fanitulltevlinga, som er for både fele og hardingfele. 

• Frida Høfling
• Mads Kurås
• Hans Kjorstad

Danseøvingar!

Velkomen på danseøvingar i mai og juni! 

Det blir danseøving annan kvar tysdagskveld frå kl.19-21 på datoane under.

tysdag 08.mai
tysdag 22.mai
tysdag 05.juni
tysdag 19.juni

Me kjem til å ha levande musikk med spelemenn frå Hallingdal.
Desse kveldane har fokus på hallingspringar og er meint som opptrapping til lagdans deltaking under Landskappleiken 2018, men er opne for alle som har lyst å danse!
Kom med eller utan dansefølgje!

Stad kjem straks...

50-års jubileum!

50-års jubileum!

Sett av laurdag 22. september, for då skal Ål spel- og dansarlag feire 50 år! 

Det blir stor stas!!

Det blir på Sundrehall i Ål, og er open for medlemmer, tidlegare medlemmer, og medlemmer i andre spel- og dansarlag/spelemannslag. Det blir middag, program og dansefest ut på kvelden. Fleire detaljer kjem seinare.

Om du vil melde deg på allereie no, sei frå til leiaren Rebecca Lofft på epost rlofft@hotmail.com.
Bindende påmelding innan 01.september 2018.